Ti panye ti panye monte
Ti panye ti panye monte
Ti panye ti panye monte
U’a kapav krwar kuyone
1.Si u ti kone kot nu sape
Nu fami ti bliye nu dan danbwa
Set frer ar mwa momem dernye
Aswar koste marenwar fer fre
Seki pa konn mwa li mem manter
Momen Tizan ti frer Granzan
Pazan Zozom trwa frer finn mor
Mama gayn Zeremi avan mwa
2.Sa letan la manze ti byin rar
Papa finn perdi nu dan bwa
Tat tate nu sivre lalimyer
Mo ti zet ros blan pu nu gayn reper
Nu return lakaz papa kontan
Mama larm sale lor mo lalev
Bondye beni may finn puse
Zordi ena dime pa kone
3.Prosin randevu lamizer
Papa re perdi nu dan bwa
Senn fwa la mo zet laminn dipin
Zwazo finn manz tu finn ale
Rode reper laper suk nu
Tranble nu leker an plin danbwa
Pazan ki ti pran guvernay
Kondir nu kot enn lalimyer
4.Laport uver fer nu rantre
Enn bolfam ek enn lavwa frel
Dir nu li esklav enn gro lorg
Ki pe dormi li manz zanfan
Bolfam fer nu rantre pu kasyet
Li sanz bone lor nu latet
Ler bolom lorg li pu leve
Li va manz piti so prop zanfan
5.Sat sant myaw to manz to piti
Bolom lorg leve dan so somey
Bolfam finn met nu dan panye
Li dir nu sante la nu pu monte
Anler anler la nu’nn ariv la
Nu pe truv lalimyer kot lakaz
Enn ti sante la nu pu sante
Ti panye li pu desann nu kot nu
Ti panye ti panye desann
Ti panye ti panye desann
Ti panye ti panye desann
Si mo ti enn mazisyin
Mo ti va efas tu to sagrin
Mo surir ti’a fer twa byin
Kumsa dan lezer
Pu twa mo ti’a fer enn ta zafer
Sak fwa pu pas to gran mizer
Dir mwa mo mama dir mwa
Yerswar kifer kan labrez reso
Ti pe sof mo ti frer dan to godi dir mwa kifer to larm pa ti pe arete
kule
Dir mwa mo mama dir mwa
Yerswar kifer kan labrez reso
Ti pe sof mo ti frer dan to godi
dir mwa ki ti pe fer twa per
Si mo ti apel Tizan
Dan mama Telezi so zistwar
Mo ti pu al rod travay sato
Laba ar lerwa
Mem kondisyon li va sot mo ponye
Mo ti’a fer to bann rev vinn vre vre
Dir mwa mo mama dir mwa
Yerswar kifer kan labrez reso
Ti pe sof mo ti frer dan to godi dir mwa kifer to larm pa ti pe arete
kule
Dir mwa mo mama dir mwa
Yerswar kifer kan labrez reso
Ti pe sof mo ti frer dan to godi
dir mwa ki ti pe fer twa per
Si mo ti apel Tizan
Asam Tizann dan zistwar plak lor
Bolom lorg mo pa ti pu per
Kumsa mem siklonn
Kan demon kat korn derasinn tol
Mo ti’a kondir twa dan enn sato
Dir mwa mo mama dir mwa
Yerswar kifer kan labrez reso
Ti pe sof mo ti frer dan to godi dir mwa kifer to larm pa ti pe arete
kule
Dir mwa mo mama dir mwa
Yerswar kifer kan labrez reso
Ti pe sof mo ti frer dan to godi
dir mwa ki ti pe fer twa per
Pizon vol
Kanar vol
Pul vol
Lezwa vol
dindon vol
pintad vol
Vole vole vole vole vole vole vol
Vole vole vole vole vole vole vol
Pizon vol
Mwano vol
Pik pik vol
Serin vol
Kardinal vol
Bengali vol
Vole vole vole vole vole vole vol
Vole vole vole vole vole vole vol
Pizon vol
Turtrel vol
Konde vol
Payanke vol
Zirondel vol
Korbo vol
Vole vole vole vole vole vole vol
Vole vole vole vole vole vole vol
Mama rotin mo lor to later
Mama rotin mo lor to later
Mama rotin mo lor to later
Hu hu hu hu hu hu hu
Hu hu hu hu hu hu hu
Hu hu hu hu hu hu hu
Emanue elekote
Emanue elekote
Iyavelo iyavelo
Dans un petit seau
Emanuela
Emanue elekote
Iyavelo lo lo
Tik tilitik
Tik tilitik mama puse box
Tik tilitik mama puse box
Tik tilitik mama puse box
Kas kas Nikola
Kas kas Nikola
Kas kas Nikola
Kas kas Nikola dan ki labarb
ref
Zing zing mo kuzinn
Zing zing mo kuzinn
Zing zing mo kuzinn
Zing zing
Vyun vyun mo kuzin
Vyun vyun mo kuzin
Vyun vyun mo kuzin
Vyun vyun
Enn bomatin
Mo rant dan mo zardin
Mo truv enn ti martin
Lor mo plan pye ditin
Enn bomatin
Li rant dan so zardin
Li truv enn ti martin
Lor so plan pye ditin
ref
Zing zing mo kuzinn
Zing zing mo kuzinn
Zing zing mo kuzinn
Zing zing
Vyun vyun mo kuzin
Vyun vyun mo kuzin
Vyun vyun mo kuzin
Vyun vyun
Mo kas enn ti rotin
Mo pas dan kwin dan kwin
Mo tay deryer martin
Ki ti pe bek bek ditin
Li kas enn ti rotin
Li pas dan kwin dan kwin
Li tay deryer martin
Ki ti pe bek bek ditin
ref
Zing zing mo kuzinn
Zing zing mo kuzinn
Zing zing mo kuzinn
Zing zing
Vyun vyun mo kuzin
Vyun vyun mo kuzin
Vyun vyun mo kuzin
Vyun vyun
Vwala mo p’ti martin
Va gut mo ti rotin
Mo ris mo p’ti rotin
Mo pik dan so tonkin
Vwala so p’ti martin
Va gut so ti rotin
Li ris so p’ti rotin
Li pik dan so tonkin
ref
Zing zing mo kuzinn
Zing zing mo kuzinn
Zing zing mo kuzinn
Zing zing
Vyun vyun mo kuzin
Vyun vyun mo kuzin
Vyun vyun mo kuzin
Vyun vyun
Zozom pu ti laz ki to ena
To linosans gid to pa
Sak fwa lesyel kler dan lanwit aswar
Bann zetwal fer twa krwar
Zozom pu ti laz ki to ena
To linosans sarye twa
Sak fwa lesyel kler dan lanwit aswar
Vinn asiz pre kot mwa
Rakont mwa somey gramatin
Lavwa mama rant dan to rev
Sak fwa parey ler to pre ar bit
Bizin leve pu al travay
Zozom pu ti laz ki to ena
To pedale lor sime
Avan lizur dir aswar orevwar
Pu to pa rant travay tar
Zozom pu ti laz ki to ena
To kuraz sarye twa
Sak pa to fer sak gut to laswer
Met soley dan lerer
To rev enn letan dan divan
Enn sezon servolan
Bann zanfan anba pye lafurs
To pe fil enn rwadezer
Zozom pu ti laz ki to ena
To pe someye akot mwa
Lazurne file kuma servolan
To balote dan divan
Zozom pu ti laz ki to ena
Kot lavi pe amenn twa
Ant rev zetwal ek servolan
To lavenir dan divan
Kreyon lardwaz ( text : Michel Ducasse)
Kreyon lardwaz
Lakre kuler
A b c d
1 2 3 4
Mo miss koze
Mo pa kone
Papa bate
Rotin bazaar
Lekol Goodlands
Faypat san kler
Mo kuk kasyet
To bul Kaskot
Si nu lanfans finn efase
Lor enn tablo nwar nu memwar
Ena defwa mo mazine
Mo mazine…
Si nu lanfans finn efase
Si linosans pe zwe bliye
Ena defwa mo mazine
Mo mazine…
Kreyon lardwaz
Lakre kuler
A b c d
1 2 3 4
Mo miss koze
Mo pa kone
Papa bate
Rotin bazaar
Lekol Goodlands
Faypat san kler
Mo kuk kasyet
To bul Kaskot
Kot bul kaskot finn al kasyet?
Dan ki kwin kokin mo memwar?
Dan ki pli ti tru mo zistwar?
Mo mazine…
Kreyon lardwaz
Lakre kuler
A b c d
1 2 3 4
Mo miss koze
Mo pa kone
Papa bate
Rotin bazaar
Lekol Goodlands
Faypat san kler
Mo kuk kasyet
To bul Kaskot
Ki ki ki
Ka ka ka
Ko korr korr
Tipul an dezolasyon
Depi gramatin so latet pa an plas
Kikenn finn vol so bann dizef
Sef labaskur met so mosyon
Dimann ki nomm enn komisyon
Tu zanimo park siyn petisyon
Lakur syeze su bel presyon
Prose uver ek prosedir
Inpe respe pu Votroner
Tu zanimo park finn deklar la
Bann avoka dan linz kankrela
Apel kabri premye sispe
Su lakizasyon vann dizef kabri
Kankrela uver so zepol larz
So lamans lame fer kurander
Lakizasyon byinsir mintenir
Kabri dir non li napa voler
Zo’nn fer konplo lor nom so nom
Zot pe rod so lapo pu ravann
Kanar rantre kas kas lerin
Finn deranz li akot enn basin
Premye kestyon li pu reponn sek
Sa lakizasyon li dir pa korek
Li donn detay so bann previous
Li’ abitye beyn dan basin so prosin me
Pu dizef Tipul li fer serman
Li pa finn azir ninport koman
Koson rantre san enn laper
Li snif de ku ver votroner
Lot la fer sanblan pa konpran
Normal li bizin gard so ran
Koson dakor so park santi
Me kankrela usi viv pre kot pit
U pe amenn piyanter dan moral
U zizman pu byin bakanal
Korbo kriye ler li rantre
Li dir li’nn vinn temwaynn enn fe
Silans lakur mank zis laklos
Pu ritme lamars lanterman
Li kumans koze lor nom lasyans
Li esplik enn tez pu kul tipul
Li dir Tipul premye kupab
Li swiv tretman akot enn sikyat
Votroner fer amenn Tipul
Dezole dan so dezolasyon
Finn akot nepli konpran
Akizater finn vinn akize
Tipul turn so ledo pu desann
Li vir enn ku asam labaskur
Enn sel regre li dir li ena
Si li ti kone li ti va al vir vann
Riche riche comme je suis
Qui va qui viens dans un pays
Madame sera des notres/a des notres
Avec monsieur Durotintintin
Buyon bred martin
Satini koko
Anba latab ronn
Ek so butey rom
Pauvre pauvre comme je suis
Qui va qui viens dans un pays
Madame sera des notres/ a des notres
Avec monsieur Durotintintin
Buyon bred martin
Satini koko
Anba latab ronn
Ek so butey rom
Aryo, to pa kone twa
Yer tanto Tizan sorti lekol
Li galup lor pye gato kanet
Gato kanet ti pe mir lor pye
Hmm dilo ranpli dan so labus
Lerla
Enn bonnfam ti pe pase parla
Li vinn anba pye gato kanet
li dir
Tizan Tizan mo zoli garson
Eta fer mwa kado enn de
Tizan gran leker bon manyer fer gran zwer dir gramer mo gramer be pare
u lame mo avoye
Mo mem ki finn plant sa pye gato kanet
Mama ti donn mwa kas pu al lekol mo’nn aste de gato kanet mo’nn
manz enn lot la mo finn plante
Get kuma mo pye finn donn bon bon rapor
Vye bonn fam fer so lavwa tranble
Li bes so latet ris so leker
Li dir Tizan mo byin malere
Mo de lame pe tro tranble
Desann vini do mo ti garson
Bondye va donn twa benediksyon
Tizan get li dir li be gramer
Pare u gran zip mo anvoye
Bolfam so figir pa tro sir sanz kuler li tranble so leker li inpe lor
ner li respir koler
Dan so leker li dir Tizan fay batar
Kan mo pu trap twa pu bat twa 100 kut baton lor to nene lerla to’a
kone mwa ki vremem mo ete
Mo gro bolom pe rod twa pu nana twa
O Tizan aye pite de mwa
Ena gro gro tru dan mo gran zip
Desann donn mwa sa dan mo lame
Bondye tultan va protez twa
Depi anler depi enn brans ver
Tizan dir gramer mon bon gramer
Si u gran zip ena gro gro tru
Pare u kaba mo avoye
Bolfam pe perdi so pasyans ar sipliye Tizan pa debuze depi so brans
ver lor pye kanet
Get enn ku kuma li front ar gran dimunn
Taler mo va parl to mama li va parl to papa tanto ler to rant to lakaz
tanto to’a kone Tanto to’a kone to siro zanana
Tizan gayn per li pu al gayn bate
Li desann lor pye gato kanet
Move bolfam la ris so lame
Suk li met li dan so gro tant
Tizan kriye lasasin dan tant
Li kriye pa enn dimunn tande
Bolfam aret lor peron labutik
Dir kaptan donn li bon masala
Lerla Tizan debriye larg lakord gro tant degaze rod ros ranplas li dan
tant re atas gro tant
Ala ki manyer li finn resi sape
Bolfam la sarye so gro tant ros amenn so lakaz pe krwar tanto li ar so
bolom pu manz Tizan
Get kuma Tizan ti kapav al tase
Vyun vyun vyun
Dan mo kalbas ena bon dimyel
Vyun vyun vyun
Seki gut sa va dimann ankor
Konper yev lor so ros poli
Ti soley liver frisonn li
So kalbas ant so de lipye
Li pe manz laswer mus dimyel
Konper zako pase tande
Seki konper yev pe sante
Li aprose li va tas manyer
Pu li gut laswer mus dimyel
Vyun vyun vyun
Dan mo kalbas ena bon dimyel
Vyun vyun vyun
Seki gut sa va dimann ankor
Konper yev kontinye sante
Lis so de ledwa tap lalang
Ala zako lev so chule
Li’ape yam kalbas konper yev
Abe yev so move lespri
Ti anvi manz enn kari zako
Dir konper mo’a donn u morso
Si u’a sarye mwa kot larenn
Vyun vyun vyun
Dan mo kalbas ena bon dimyel
Vyun vyun vyun
Seki gut sa va dimann ankor
Konper yev dan so dominer
Lor ledo zako li grinpe
Lor sime tulede sante
Ziska yev zwenn solda larenn
Yev ti kuchu kuchu solda
Dir larenn prepar masala
Tanto mem li’ava ‘menn zako
Sanse li sa ti kokin dimyel
Vyun vyun vyun
Dan mo kalbas ena bon dimyel
Vyun vyun vyun
Seki gut sa va dimann ankor
Ler zako so zizman deor
Li ti fini roti dan marmit
Konper yev so lespri malin
Li mazinn deser bar dimyel
Ler dimunn okipe manze
Konper yev kokin bon bar dimyel
Mo dibute pu denonse
Mo gayn enn kutpye mo tom la
Vyun vyun vyun
Dan mo kalbas ena bon dimyel
Vyun vyun vyun
Seki gut sa va dimann ankor
Prefas
“Seki, pa konn mwa, limem manter. Momem Tizan, ti frer Granzan. Pazan, Zozom…”
- Ekut byin aster la, tansyon u gayn tit manter! Parski Tizan lamem.
Li ti tuzur la, dan nu mazinasyon, dan limaziner buku zenerasyon zanfan
nu pei.
- Zordi selma, bann Ti Marmit ki pe lev Tizan depi enn long somey. Sa
finn posib sirtu parski personn pa finn insansib a “ 16 ti morso nu lanfans”.
Larises nu patrimwann inn valorize ziska vinn enn fenomenn mizikal e
kiltirel dan nu pei atraver sa.
- U finn donn Tizan kuraz pu sorti depi so somey, repran so bann lavantir,
viv e reviv bann suvenir depi memwar mama Telezi ek Pa Lindor. Zot
mem ti pe rakont so zistwar lontan, lontan, byin byin lontan desela.
- Plis ki sa u pu dekuver Tizan byin vivan dan tu so poezi aster la
kuma sa lyin ant yer ek zordi. Dan tu so linosans, dan so bonte, dan
so malin usi.
- Kontinyn ekut byin, tansyon u gayn tit manter mo dir u ! Parski anplis,
ena konper Yev ki finn pass par la. Tipul, Kanar, Kabri ar Koson usi
pe elarzi nu lorizon. Zot parol, li nu prop zistwar dan enn laglas.
Zot zistwar pu rafresi memwar nu bann gran dimunn. Li pu sirma ede
pu eksit limazinasyon nu bann zanfan. Samem nu pe rode.
- 8 an laktivite ar bann zanfan ape donn lespas pu plis ki 100 zanfan
eksprim zot dan seki ena de pli presye dan enn zanfan: so linosans.
Pa enn ti zafer sa. Li bon u finn rekonet sa. Akoz sa nu pe kapav zordi
return u dan bann rev extraordiner.
- Me sirman ena ankor bizin fer. Nu finn kumans par fer u ek u zanfan
viv ek reviv bann moman intans u lavi. Depi enn albem lamizik, nu finn
amenn u apresye enn lev kiltirel atraver prezantasyon sa lamizik la
dan form enn liv. Kumsamen ki nu devlope, kumsamem ki nu kreativite
so zeni montre nu sime ki bizin pran pu fer prore ek devlope dan dinite.
- Yer, zordi, dime. Tule trwa inportan dan devlop nu bann kapasite
pu konpran nu mem e batir enn karakter ase for pu lir lemond ek sanz
li. Atraver laksyon kiltirel.