Dir mwa Zan
Zann dir Zan
Dir maw Zan
Tizann inn ale
Dir mwa kifer
Li’nn ale
Depi lontan
Letan lete u’a dir
Ape ris so leker
Get enn ku deor
Ayo
Zoze mo garson
Ramas enn de linz lor lakord
Dir mwa Zan
Zann dir Zan
Dir maw Zan
Tizann inn ale
Dir mwa kifer
Li’nn ale
Kan tusel aswar
Enn zur pran enn
Lane pu pase
Ler lapli fwete
Ayo
Zoze galupe
Al ramas mo linz
Lor lakord
Dir mwa Zan
Zann dir Zan
Dir maw Zan
Tizann inn ale
Dir mwa kifer
Li’nn ale
Mo labus amer
Sa lafyev andan la
Rann lavi byin dir
Ler saler leve
Ayo
Zoze mo garson
Rod enn but kartron
To vant mwa
Dir mwa Zan
Zann dir Zan
Dir maw Zan
Tizann inn ale
Dir mwa kifer
Li’nn ale
Dan lanwir aswar
Asupi pu enn
Timama mazine
Lespri vwayaze
Ayo
Zoze kriy tizann
Anu al zot lakord
Asam Zan
Charli
Charli al lasas tang
Li pa gayn tang li gayn koson
Gardyen tir deryer li
So linz andan fer servolan
Soley na pankor leve
Dan enn vilaz lakot lamer move
Apiye lor difil barble
Enn de bann ton ape fer lide
Timama apre zot lev koze
Kuma dir zonn truv enn lot sime
Enn ku enn kas enn gran riye
Fode tann peser rakont saser.
Charli al lasas tang
Li pa gayn tang li gayn koson
Gardyen tir deryer li
So linz andan fer servolan
Setaki pe azut so but
Charli so zenerasyon brakonye
Pena ler kan li deside
Granper Charli rant dan barble
Timama apre ler li returne
Bonn fam fini kraz masala
Ler aswar rantre sa loder fane
Laflam foye ekler marmit
Charli al lasas tang
Li pa gayn tang li gayn koson
Gardyen tir deryer li
So linz andan fer servolan
Landime gramatin boner
Charli so leker bat dan maler
Setaki get so kamwad
Kan mazor vinn pran lanket pu yer
Timama apre ler li vir ledo
Granper Charli sort dan danbwa
So zepol sarze gro sak guni
Enn lapat zanimo depase.
Charli al lasas tang
Li pa gayn tang li gayn koson
Gardyen tir deryer li
So linz andan fer servolan
Fifinn
Mo pe al dormi enn vandredi kinzenn
Dan klarte sime barlizur
Mo tann lavwa fifinn dan lapenn
Lanwit bwar so duler
Larm kule li pa les rule
Kinz zur rinte lor masinn
Zis pu bus det Tonio dan Senn Mars
Somey Finn Fane
Ler mazinn lavi azordi
Letaz letalaz batiman
Ar kuraz zuvriye bat bate
Me dime bizin leve
Fifinn so mari pe ronfle
Klok kart seter gramatin
Be les mo kont muton pu dormi
Lanwit ape sove
Deryer larder soley leve
Dan klarte lizur bor sime
Nu prizonye devlopman dan silans
Me dime ki pu arive
Ler turn paz tapaz tom anpann
Silans fifinn so lapenn
Va revey santiman nu leker
Lerla
Mem gran mama napli la
Li’nn kit so lavwa larivyer
Pu sant sante repozwar
Avan tanto sanze vinn aswar
Lerla
Lerla ler tar vinn tro nwar
Mo triye silans dan tapaz
Sak son pase mo taste
Asak demi ton akorde
U inpe tro lwin pu konpran
Ferm u lizye u’a kone
Dibute dan rev enn pirog
Sey sant kuler som mare ot
Labriz vannsi asan vag
Sulaz peser debarkader
U ankor tro lwin pu konpran
Ferm u lizye u’a kone
Lerla
Lerla ler tar vinn mwin kler
Sey tann koler grinz dan divan
Lavwa peser sant duler
Asam sa banyan so fezer
U tuzur tro lwin pu kontan
Ferm u lizye u’a kone
Lerla
Lerla ler nwar vinn mwin nwar
Sey tat bor lamer so saler
Vannlor sant lor lanbeli
Peser lamer sikann later
U byen tro lwin pu konpran
Ferm u lizye u’a kone
Mons mekanik
Enn zurne dan enn gran karo mel ros
Tir ros pu gro masinn pran plas zom
Labriz lev lapusyer ziska nyaz
Divan sufle amenn turbiyon
Lizur leve somey duble
Enn nwit enn rev finn transpire
Pe lite pu uver so lizye
Soley novam lor tol kannle
Lev loder leter dan godon
Get zanfan pe luk dan so rev
Tapaz marto piker muste memwar
Reziste, rezistans ros rule
Enn ler so travers karo mel ros fran
Masinn vibre, feray deklinke
Ilo
Ilo Ilo Ilo
Mo nepli kone
Ki sa lavi la
Reserv nu
Sime zegwi sime zepeng
Partu lulu pe vey nu
Sime dan kann sime dan kler
Lespri vwayaz arekler
Initil koze
Bann gran diskur u’al fer ayer
Tulezur
Ape bwar nu disan
Si nu kont safodaz batiman
Ki u’ape yap yap
U diskur interdi somer
Tulezur
Oblize bat bate
Ler pu gayn enn an dir nu al poze
Ilo Ilo Ilo
Mo nepli kone
Ki sa lavi la
Reserv nu
Sime zegwi sime zepeng
Partu lulu pe vey nu
Sime dan kann sime dan kler
Lespri vwayaz arekler
Initil koze
U diskur flit zorey fey sonz
Tulezur
Pe nuri linyorans
Si nu pran leson ziska mare nwar
Ki u pe koze
U diskur detrir larkansyel
Tulezur
U separ bann kuler
Dan u rwayo, enn ta interdi.