Dan freser lerb ver
Enn savat lis
Glis lor limidite laserin
Mars manyer lipye angurdi
Akote u ale timama
Akote u ale
Balo linz fane lors o seve sal
Enn so lame li va gard lekilib
Trenn so lipye asper son dilo
Degaze mo ale mo dada
Degaze mo ale
Komye balo linz mo lave par zur
Larivyer koste pleyn sezon fre
Sa reyon soley sof mo leker
Sakote mo ale timama
Sakote mo ale
Lonbraz nyaz galupe dan soley
Linz flote divan ranpli ar kares
Mo lespri vwayaz lor enn labriz du
Letan u dibut akot mwa
Ler u kontan mwa timama
Dan aswar enn lete
Kan ler so ti lasas ar saler
Dan lakaz
Ti zanfan gayn per loraz ar zekler
Lapli pa tonbe
Lasesres dominn tu verdir
Sa swar la
Karo kann ti pran dife antrekup
Uti kontan pa kontan
Sakuy latet bes anba
U ti montre nu fer sa kont dominer
U ti detay nu listwar
Anna Bengal dan kazern
Pu enn rezistans byin ferm
Mersi tonton
Bann zur finn pase
Banane usi finn ale
Bor sime
Bann zanfan lespri bloke dan leto
Siklonn fek pase
Refizye pena drwa dan lekol
Lor krawnn lenn
Buldozer pe kraz maray malere
Tu seki pas dan listwar
Mem guvernman guverne
Pe ansomeye dan bann rev
Dime pu meyer
U ti kontan pa kontan
Bizin devlop Rezistans
Enn brin seve separ nu
Ar barbari
Zordi dan pei
Sak laklos ki sone sonn menas
Zur an Zur
Ape anter tu bann drw ki’nn ganye
Laba dan kazern
Gro blinde pe pare pu kraze
Lor bistop
Nu pe vey transport monte dan soley
Pu sa zanfan kip e ne
Saki min lor bul later
Pu sa tonton kip e ale
Anu aret enn ku
U ti kontan pa kontan
Bizin devlop rezistans
Pu ki dime limanite
Kapav respire
Lafime sigaret ferm so lizye
Lesuf manke pu li respire
Lespri anrule dan enn gran dezer
Li mazinn lepok sot i lanfans
Anyes asize lor enn ban
Tapaz loto dan so ledo
Dan lonbraz lafurs lasose
Enn santiman sot so leker
Ola la e le le o la e lo lo
Enn ku tapaz taksi arete
Finn ler pu li rant dan kales
Enn lamas lekor angurdi
Lipye refiz talon zegwi
Anyes sulev so kadav sale
Li pe turdi dan somey midi
Lerla mem li gayn mazine
So baba pre kot kolonn lili
Ki rezon u’a ganye ar lotorite
Mo frer
Ki rezon u’a ganye
Ki rezon u’a ganye ar lotorite
Mo frer
Ki rezon si u sey rezinbe
Dan kulwar puvwar karapat
Ape met lake par goble
Pyon kriye napa bizin puse
Ape pare nuvo labank disan
Ki rezon u’a ganye ar lotorite
Mo ser
Ki rezon u’a ganye gayn tupe
Ki rezon u’a ganye ar lotorite
Mo ser
Ki rezon si u sey mazine
Fatig lanemi fer vinn blem
Seki pena pa pe ganye mem
Ena goble dan labraget
Ape vey seke pu rantre
Ki rezon u’a ganye ar lotorite
Mo frer
Ki rezon u’a ganye lev nene
Ki rezon u’a ganye ar lotorite
Mo frer
Ki rezon si u sey ruspete
Lafreyer menas fer kurbe
Deor fer fre kot pu ale
Dinite krake ler azenu
Lerla-mem laraz fer vinn fu
Ki rezon u’a ganye ar lotorite
Mo ser
Ki rezon u’a ganye kontkare
Ki rezon u’a ganye ar lotorite
Mo ser
Ki rezon si u sey rezisye
Enn zur purtan pe arive
Kot pa kapav kontyn donn pye
Lerla pu retruv dinite
Pu bizin pran enn lot sime
Mo pei Olande
Mo pei Franse
Mo pei Angle
Mo pei mo pei
Mo pei lontan
Mo pei dan letan
Lakal bato dan lapenn
Dan lorizon gran sezon
De move lizye dan lup de luk mwa
Mo pei Olande
Koloni pye banwar
Pu aranz bato negriye
So lakal grave dan lebenn
Mo pei lontan
Enn de esklav finn sove
Mo pei dan letan
Revolt maron dan maronaz
Kisann la ti bur dife dan kazern
Mo pei franse
Zorey La-burdone
Listwar kokin rakonte
Memwar barbar zistifye
Ler mulin sufle
Fler kann griye dan lasagrin
Pei flanbe
Ar laraz duler pe konstrir
Kisannla pu rakont nu nu listwar
Mo pei Angle
Vir ros pu gayn larzan
Dezespwar anbarke
Langazman pu esklav
Siklonn maray dan lapenn
Nu bwar nu maler tule semenn
Fiziyad tablisman
Rekolte bann drwa dan disan
Rul pei dan division nu bann frer
Mo pei mo pei
Nuvo met mem fwet
Fini dres frontier pu lager
Letansa nu priye larkansyel
Ler pei balote
Pa kapav tini lors o lipye
Seki for pu reste
Lor ledo seki feb kraze
Kisannla pu fer zot tann larezon
An-ran zanfan
Met an-ran
An-ran
Pli gran avan
Pli piti apre
Pli for divan
Pli feb deryer
An-ran zanfan
Met an-ran
An-ran
Gard byin zot plas
Pa kas lalinn
Isi A1 A2 A3
Laba B1 B2 B3
Pli laba C1 C2 C3
Lezot laba ankor laba
Lezot laba ankor laba
An-ran zanfan
Met an-ran
An-ran
Pli malin avan
Pli bet deryer
Mwin malin mwin deryer
Pli bet pli deryer
An-ran zanfan
Met an-ran
An-ran
Swiv la lozik
Obeir lord
Sakenn so ran
Sakenn so bann
Mares A1 A2 A3
Apre swivan apre lot bann
Marse B1 B2 B3
Apre swivan apre lot bann
An-ran zanfan
Met an-ran
An-ran
Pli bon avan
Pli move apre
Pli serye pli divan
Pli dezord pli deryer
An-ran zanfan
Met an-ran
An-ran
Swiv bon lexanp
Bann gran avan
Bann for divan
Bon kus bon zar
Malin avan
Serye divan
Samem lozik
Nuri burik
An-ran zanfan
Met an-ran
An-ran